Blómadropar

Ég hef tekið eftir því að margir vita ekkert hvað blómdropar eru, þannig að ég ætla að útskýra hvernig þeir verða til og hvernig þeir hjálpa okkur ef við erum tilbúin til þess að nota þá.

Blómadropar eru einfaldlega búnir til með því að týna blómin þegar þau blómstra, þau eru týnd á ákveðnum tíma sumarsins við ákveðnar aðstæður en það fer eftir því hvað á við fyrir hverja jurt. Blóm jurtanna eru sett í skál með vatni og þar eru þau látin liggja í vissan tíma en síðan er þessi vökvi settur í flöskur samkvæmt smáskammtafræðinni flöskurnar eru síðan fylltar með eðal koníaki. Koníakið er til þess að dropablandan geymist betur en við það að blanda koníaki í hana geymist hún út í það óendanlega ef flaskan er óopnuð.

Blómadroparnir voru fyrst uppgötvaðir og þróaðir af lækni sem hét Edward Bach hann var búin að taka eftir því þegar hann var að vinna sem læknir að blóm gátu haft bætandi áhrif á líðan fólks og þá sérstaklega andlega líðan. Hann hefur eflaust þróað þá aðferð að geyma blómadropana í koníaki.

Blómadropar hafa verið notaðir með góðum árangri frá því að Bach uppgötvaði þá fyrst í kringum 1930 þeir gætu þó hafa verið notaðir frá örófi alda þó að engar heimildir séu til um það svo vitað sé. Það getur verið að blóm hafi verið sett í vatn og vökvinn síðan verið drukkinn, það er bara spurningin hvort fólk hefur verið að nota þá allt árið eins og við erum að gera í dag. Það hefur örugglega líka sömu áhrif að sitja við hliðina á blómunum eins og margir vita hafa litir, ilmur og orka blómanna áhrif á þann sem er í návist þeirra en það er bara í svo stuttan tíma sem við getum notið hvers blóms á þann hátt.

Það hafa verið unnar 38 blómategundir í Bach blómadropunum hver tegund vinnur á mismunandi atriðum. Til þess að taka nokkur dæmi þá vinnur Öspin til dæmis á ótta sem á sér engar skýringar ástæðulausum ótta, þegar manni finnst að eitthvað óþægilegt eða hræðilegt muni gerast. Eikin er fyrir fólk sem stendur uppi hvað sem á dynur og gefst ekki upp fyrr en það hreinlega dettur niður örmagna, þetta eru þeir sem hafa nagandi samviskubit ef þeir verða veikir af því að aðrir reiða sig á þá. Mimulus er tekið inn þegar maður óttast eitthvað sem maður veit hvað er, ef maður óttast til dæmis að tala á fundum eða á opinberum vettvangi, það sem leynist í myrkrinu, eitthvert dýr eða atburði, þá er að taka inn Mimulus. Vervain eru mjög góðir fyrir börn sem eiga erfitt með að vera kyrr það er gott að gefa þeim nokkra dropa í glas og það er eins og þau nái að róast.

Það er hægt að nota blómadropana á mjög fjölbreyttan hátt, það er hægt að taka þá inn beint undir tunguna eða í munn, það er hægt að setja þá í drykki svo sem vatn, ávaxtasafa eða te og drekka þá þannig. Það má bera dropana beint á sig til dæmis ef maður finnur til einhverstaðar svo sem í baki eða hálsi, liðum eða við beinbrot eða önnur meiðsli eða áföll. Það er hægt að búa til bakstra og setja á viðkomandi svæði, það er líka hægt að setja þá í krem og olíur og bera þá þannig á svæði sem þurfa á meðferð að halda.

Það er til sprey og krem í áfalla dropunum í Bach. Það er líka hægt að búa til sína eigin blöndu í spreyi ef maður vill og þá er alveg eins hægt að nota íslensku áfalladropana eða Lífsbjörgina. Ef fólk lendir í aftanákeyrslu og fær hálshnykk þá er gott að bera Lífsbjörgina á svæðið sem hefur orðið fyrir hnjaski og taka hana jafnframt inn á nokkurra mínútna fresti. Lífsbjörgin hentar í öllum þeim tilfellum sem maður hefur lent í áfalli því með því að taka hana inn þá er maður að losa áfallið úr tilfinningalíkamanum en annars situr maður uppi með áfallið í langan tíma og er þá að upplifa það aftur og aftur eða dreymir það stöðugt. Lífsbjörgin hjálpar til þegar manneskja eða dýr er í taugaáfalli eða sjokki.

Það geta allir notað blómadropana á hvaða aldri sem fólk er og í hvaða ástandi sem er, þeir hafa til dæmis engin áhrif á lyf eða annað sem manneskjan er að taka inn. Það er auðvitað mjög einfalt að prófa hversu vel þeir droparnir virka ef fólk er með líkamleg einkenni einhverstaðar svo sem eitlabólgu í hálsi þá er mjög gott að nudda þeim á hálsinn, verki í baki setja dropa þar sem verkurinn er, höfuðverk nokkra dropa ofan á kollinn, verk í hné, olnboga, maga eða bara hvar sem alltaf geta þeir komið að gagni. Það er hægt að setja dropana út í baðvatnið ef maður vill baða sig upp úr þeim en þá þarf ekkert voðalega marga dropa í vatnið kannski 1- 5 dropa.

Það er hægt að gefa dýrum blómadropa, en dýrin eru mjög næm og droparnir eru mjög fljótir að hafa áhrif á þau. Það er hægt að gefa öllum dýrum þessa dropa það má setja þá í vatn og draga það upp í sprautur og sprauta þannig upp í dýrin en svo er líka hægt að gefa þeim beint í vatnið. Þá er ekkert betra að gefa marga dropa heldur en fáa 3, 5 eða 7 dropar er fínt.

Ég hef prófað margskonar blómadropa og er mjög ánægð með virkni þeirra yfirleitt. Hver tegund hefur sína tíðni og sérsvið en þeir eru líka misjafnir að upplagi, t.d virðist vera að það sé ekki sama hvaðan Bach droparnir koma, en mér finnst droparnir með ljósgulu miðunum eins og þeir sem eru á myndinni hérna til hægri með bestu virknina.

Áströlsku blómadroparnir eru líka mjög athyglisverðir þeir hafa mikla og góða virkni og í þeim eru margar blómategundir sem við höfum ekki í hinum blómadropasettunum. Það eru til margs konar dropar af öðrum gerðum, það eru til dropar sem innihalda orku, steina, kristalla, erkiengla, engla, orkulíkamadropar orkustöðvadropa og meistaradropa en þessir dropar eru frá Crystal herbs í Englandi

Ég hef líka kynnst yndislegum blómadropum sem eru búnir til í Norður Ameríku en þeir eru kallaðir FES (Flower Essence Serive). Það hefur verið hægt að kaupa blómadropablöndur sem eru gerðar úr þessum blómadropum síðasliðin ár hér á landi í Heilsuhúsunum.

Ef fólk er næmt og finnur og sér með innri skynfærum er margt hægt að upplifa þegar droparnir eru teknir inn. Þegar maður fer að skoða hvað droparnir gera er alltaf hægt að finna einhverja samsömun við sjálfan sig, stundum finnst manni að allar tegundirnar gætu átt við mann og þannig er það örugglega því við erum stöðugt í þróun það sem passar fyrir okkur þennan mánuðinn getur orðið úrelt fyrir okkur þann næsta.

Ég nota oft áfalladropana sem heita Rescue Remedy í Bach dropunum, en Lífsbjörgin í íslensku dropunum. Það er líka hægt að fá áfalla dropana í sprey formi eða í kremi.

Efst á síðu

Ýmislegt

Heim

© Jónína Þorbjörg Gunnarsdóttir netpóstur