 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
Meistararnir
Þeir sem eru kallaðir meistarar eru sálir sem lifðu á jörðinni sem manneskjur og tókust á við lífið með sama hætti og við erum að takast á við það í dag. Þeir hafa unnið sig í gegnum allar hindranir sínar og losað sig við að mestu eða alveg við karma sem tengist jarðlífinu og því er talað um að þeir séu uppljómaðir og þurfi ekki lengur að fæðast á jörðinni.
Uppljómaðir meistarar vinna í andlega heiminum við að hjálpa og kenna okkur mannfólkinu á þann besta hátt sem þeir geta. Þeir ásamt þeim sem eru að vinna fyrir þá eru að reyna að hjálpa mannkyninu að hækka orkutíðnina svo það geti tekist á við þær orkubreytingar sem jörðin er að ganga í gegnum.
Tíðni jarðarinnar og þeirra sem þar búa er að hækka upp í fimmtu vídd, í þeirri vídd verður allt miklu gegnsærra og fólk á mjög erfitt með að fela fyrirætlanir sínar fyrir öðrum þar sem hægt er að lesa það í orkunni. Fólk fer að vakna til vitundar um að það er svo miklu meira en það efnislega. Hægt verður að skynja miklu meira í orkunni og þar með verður auðveldara að hafa svokölluð fjarsamskipti. Þetta verður jafnframt til þess fólk þarf að vera meðvitað um það hvaða hugformum og tilfinningum það tengir sig inná.
Allt mannfólk eru sálir sem eru komnar af hinum guðlega neista, af hinum sama kjarna þannig að í raun erum við öll eitt, ein vitund. Fólk kemur inn í þetta jarðlíf með mismunandi áætlanir, sumir eru meðvitaðir um þennan guðskjarna og sækjast eftir því að finna tenginguna við hann hið innra, á meðan aðrir halda áfram í sínum efnisheimi og eru ánægðir með það. Það getur engin sagt hvort sálin sem lifir einungis í því efnislega eða sú sál sem er að leitast við að finna tengingu við Guð og æðra sjálfið sé komin lengra í þroskaferlinu. Sálin hefur valið það fyrir fæðingu að takast á við ákveðin verkefni og þau verkefni geta verið æði misjöfn.
Uppljómaðir meistarar, englar og erkienglar eru ljósverur sem koma inn í líf okkar til að hjálpa okkur að ná þeim áfanga sem við höfum áætlað sem sálir áður en við fæddumst. Hinir uppljómuðu meistarar eða "Hvíta bræðralagið" hefur síðastliðna áratugi reynt að ná til mannkyns með fræðslu í gegnum þá sem eru móttækilegir að miðla fyrir þá. Mikið starf hefur verið unnið af þeim sem hafa tekið við skilaboðum það hafa verið skrifaðar bækur, haldin námskeið, gerðar myndir og settar upp vefsíður ásamt ýmsu öðru sem miðar að því að fræða mannkynið.
Það eru til margar myndir af meisturum en þær eru eins og sá sem málar eða teiknar þær sér þá fyrir sér. Þó að myndir af þeim séu ekki fullkomnar þá er hægt að nota þær ásamt nöfnunum þeirra til að tengja sig við þá ef maður vill finna orkuna þeirra.
© Jónína Þorbjörg Gunnarsdóttir netpóstur
