 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
Blómin, fuglarnir og náttúran
8. júní 2009
Hvert örsmátt blóm hefur að geyma ákveðna orku sem þið getið nýtt ykkur til góðs. Þið getið setið hjá blóminu og fundið fyrir orkunni sem það sendir frá sér, eða týnt það og sett í vatn til þess að drekka þennan blómavökva strax eða síðar.
Blóm hafa mismunandi liti og orkutíðni, hvert blóm og litur þess gefur líkamanum ákveðna orku. Bleikur er t.d. góður fyrir hjartastöðina, en getur haft áhrif á miklu fleiri staði í efnislíkamanum eða orkulíkömum.
Kyrrðin og friðurinn sem umlykur hvert blóm ætti hver og einn að virða með því að spyrja blómið og aðvara það áður en það er slitið upp. Blómið þarf smá aðlögunartíma til þess að venjast því að vera slitið upp og orka þess nýtt sem drykkur í glasi eða flösku. Fáðu samþykki þess, það tekur aðeins augnablik að tengja sig við blómið. Yfirleitt leyfir það viðkomandi að slíta sig upp en reynið að forðast að slíta það upp með rótum vegna þessa að þá getur það ekki vaxið upp á ný. Verið viss um að þið þarfnist þeirrar jurtar sem þið hafið fyrir augunum, óþarfa blómatínsla gerir engum gagn.
Kennið börnunum að virða náttúruna og ganga um hana á fallegan og virðingarverðan hátt. Blóm hafa sál alveg eins og þið þó að hún sé ekki eins þróuð og ykkar, en eigi að síður hafa þau sál og líkami þeirrar sálar er blómið sjálft, alveg eins og líkami ykkar er bústaður sálar ykkar. Sýnið allri náttúrunni virðingu því þið þarfnist hennar og hún þarfnast ykkar, ekkert er aðskilið, allt er samtvinnað. Þið eruð blómið og blómið er þið, ef þið tengið ykkur inn á það.
Hugsið ykkur ef það væru engin blóm, ef það væru engir litir í náttúrunni hvernig þætti ykkur það? Þið og náttúran eruð eitt, þegar þið andið saman hina undurfögru öndun sem kennd er við jógafræðina. Það geta allir nýtt sér þessa öndun, hún er einföld og létt. Hún þarfnast smá þjálfunar en ekki langrar, sérstaklega ekki hjá þeim sem hafa þekkinguna til staðar í orkunni sinni.
Þið eruð hinar fegurstu sálir hver í sinni mynd, eða hver í sínum líkama. Þið eruð ekki einungis líkaminn sem þið hafið að láni í þessu lífi, líkaminn er einungis farartæki sálarinnar á þessari plánetu, farartæki sem þið notið til þess að öðlast þekkingu og reynslu. Blekkingin er sú að þið séuð líkaminn en reynið að sjá út fyrir þann ramma sem hann hefur. Reynið að sjá heildarmyndina þar sem þið eruð eilífar sálir á enn einni þroskaferð ykkar á jörðinni. Líkaminn er mikilvægur fyrir þroska ykkar, til þess að þið getið lært hvort af öðru og fundið tengingu við jörðina, dýrin, blómin og allt sem tilheyrir þessu jarðlífi.
Þið hafið svo margt sem þið getið notið með líkama ykkar, svo margt sem þið getið fundið fyrir og notið. Sumt er óþægilegt og sumt er ánægjulegt en með því að finna það óþægilega og upplifa það þá fáið þið tækifæri til þess að meta og skilja það sem færir ykkur gleði.
Þið hafið svo margt sem getur gefið ykkur gleði, hugsið ykkur fuglana, sönginn þeirra látbragð og hátterni. Sjáið hvernig þeir vinna saman og láta sér lynda hver við annan, eða ekki. Hvað getið þið lært af þeim? Eruð þið meðvituð um að hver fuglategund kennir ykkur ákveðna hluti, ákveðin atriði sem þið getið séð að speglast í hegðun mannanna. Þið getið líka verið eitt með fuglum himinsins þið þurfið bara að tengja ykkur við þá einn í einu og finna hvað þeir eru að segja með látbragði sínu. Þið getið líka spáð í það hvaða fugl ykkur líkar best við og hvern ykkur líkar síst við. Þið sjáið að þær fuglategundir spegla ákveðna hluti hjá ykkur sjálfum. Skoðið það með sjálfum ykkur hvað það er sem ykkur líkar í fari fuglsins sem ykkur líkar vel við og hvað er það í fari þess fugls sem ykkur líkar ekki við sem þið þolið ekki.
......
Þessi skilaboð komu fyrir þenna dag, ég veit ekki hver kemur með þau en þau eru yndislega falleg.
© Jónína Þorbjörg Gunnarsdóttir netpóstur