 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
Skoðanamunur
Skilaboð frá Maitreya - miðlað af Margaret McElroy
18. ágúst 2009
Skilaboð frá Maitreya:
Þið eruð öll mismunandi. Jafnvel tvíburar eru mismunandi, þeir geta litið eins út, hagað sér eins, klætt sig eins, en þeir eru ekki sama manneskjan. Það eru engar tvær sálir eins á jörðinni. Hugsið um sálirnar sem búa þar og takið eftir því að það eru engar tvær sálir eins. Ótrúlegt. Hvert ykkar er einstakt. Hvert ykkar er guðdómlegur neisti af Guði, með þá viðleitni að snúa aftur til þeirrar orku. Hvert ykkar mun gera það á sinn hátt. Þú getur ekki gert það á sama hátt og vinur þinn eða nágranni vegna þess að þú ert ekki sú/sá sami og hann/hún. Sú sál getur heldur ekki gert það eins og þú. Þið eruð mismunandi. Þú munt eigi að síður gera það á þinn hátt.
Ég hætti aldrei að furða mig á því hvers vegna sálum finnst að aðrar sálir þurfi að gera hlutina á sama hátt og þær, þegar staðreyndin er sú að þær geta það ekki vegna þess að þær eru ekki þær sömu. Þegar mannkynið hefur áttað sig á mismuninum á hvort öðru, þegar það getur skilið að það eru margar leiðir til Guðs, hvaða máli skiptir hvaða leið þú ferð, að það er ekki sama leiðin og nágranni þinn fer? Þegar það hefur áttað sig á að sérhver sál er einstök, öðruvísi en allir aðrir, þá og aðeins þá mun friður byrja að skila árangri á jörðinni. Stríð munu enda og mannkynið mun ná andlegum þroska. Það mun gerast einn daginn. Þangað til því hefur verið náð gerið ykkur grein fyrir mismuninum á milli þín og annarra, fagnið þeim mismuni, ekki fordæma vegna þess að einhverjir gera hlutina öðruvísi en þú. Það er svona sem þeir hafa kosið að gera þá, á sinn hátt.
Þú hefur þína sannfæringu, þú gerir hlutina á þinn hátt, í samræmi við tíðnisviði þitt og manngerð. Af hverju ættu ekki aðrir að hafa þann sama rétt? Af hverju vill mannfólkið krefjast þess að allir séu eins? Það er vegna þess að þau skilja ekki hið andlega innra með sér. Já, þið hafið öll hluta af hinni andlegu sál innra með ykkur, en margir vita það ekki eða eru ekki meðvitaðir um þann hluta af sjálfum sér. Skaparinn, hin mikla sál eins og margir kalla hann, Guð hjá öðrum, skapaði hvert ykkar sem sérstaka mannveru. Meira að segja þeir sem eru tvíburar, eða úr fjölbura fæðingum hafa mismunandi persónuleika.
Persónuleiki þinn er hið raunverulega þú, það andlega hið innra. Þú ert ekki eins og bróðir þinn, eða nokkur önnur mannleg sál, þú ert EINSTÖK/EINSTAKUR. Hugsaðu um það. Þú ert sú/sá eina/i sem ert eins og þú. Þetta undur. Það að skaparinn, Guð, hin guðdómlega sál eða hvað það er sem þú kallar þessa orku sem skapaði þig, nákvæmlega þig og braut svo mótið svo að enginn annar gæti orðið eins og þú. Sumir munu segja: „En meistari hvað um klónun? „Er það ekki um að búa til annan mig?” og ég segi: „Jú það mun verða nákvæm eftirlíking af þér líkamlega, en það er ekki hægt að afrita sálina þína. Sá hluti þinn er EINSTAKUR.”
Ef mannfólkið á að losna út úr stríði, hatri, ótta og öllu öðru vitundar ástandi sem í mörg jarðar ár hefur stjórnað lífi þeirra, þá verður það fyrst af öllu að skilja hver mismunurinn er á þeim sjálfum og öðrum. Það verður að skilja að einn getur verið múslimi og annar kristinn og samt geti þeir verið vinir og félagar. Einn Gyðingur, annar í rétttrúnaðar söfnuði en geta samt verið vinir og félagar. Mismunandi trúarskoðun ætti ekki að vera orsök haturs eða óhamingju á milli þeirra.
Mannfólkið þarf líka að læra að ELSKA. Svo margar sálir vita ekki hvað er að elska eða að taka á móti ást. Það er næringin sem nærir sálina. Án ástar visnið þið og deyið. Án ástar eruð þið án grundvallar þátta ykkar. Mannfólkið þarf að læra um ást ef friður og hamingja á að verða ríkjandi á jörðinni. Það hefst á því að ein sál viðurkennir aðra, mismun annarra og trúarskoðun. Þegar það hefur gerst, þá getur mannkynið lagt hornstein að nýju samfélagi, þar sem engin mismunur er, engar áhyggjur vegna trúarskoðana annarra og viðurkenningu ALLRA sálna óháð því hvað þær kjósa að gera. Þegar þetta gerist þá munið þið sjá reiði, vonbrigði og ótta hverfa, vegna þess að það er óttinn við aðra og skoðanamun þeirra sem veldur öllum vandamálum á jörðinni nú á tímum.
Ég er hér til þess að fræða um þá ást, að hjálpa ykkur að finna andlega þáttinn í ykkur og til þess að hjálpa ykkur að fría sálina. Ef þið kjósið að hlusta þá munið þið finna breytingu innra með ykkur sem mun hafa áhrif ekki bara á ykkur heldur líka á aðra. Ef þið kjósið að hlusta ekki, þá eruð þið ekki tilbúin núna. En það mun koma sá tími sem þið verðið það, vegna þess að tíðnin á jörðinni er að breytast og koma með, "nýja tíma" tíma endurnýjunar þar sem allt hið gamla mun hverfa og nýjar hugmyndir munu koma í staðinn og viðeigandi skoðanir fyrir nútímann. Það verður yndislegt þegar sá tími rennur upp!
Maitreya
Beint á síðu http://www.maitreya-edu.org
© Jónína Þorbjörg Gunnarsdóttir netpóstur