 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
Sannleikur
22. mars 2009
Skilaboð frá Maitreya - miðlað af Margaret McElroy
Það er afar áhugavert að fjalla um sannleikann vegna þess að það veltir upp mörgum spurningum. Til dæmis, „hvað er sannleikur?" Orðið „sannleikur" getur haft allskyns merkingar í þeim orðabókum sem þið eigið. Að vera sannsögull þýðir að ljúga ekki, enn og aftur, hvað er lygi? Lygi eins getur verið sannleikur annars. Þetta hljómar kannski eins og kínverska en það vekur upp málefni sem mannkynið hefur ekki fundið neina lausn á og það er hvað þýðir orðið „sannleikur.“
Allir hafa sinn sannleika. Sannleikur Margaretar miðilsins míns er bara hennar sannleikur og hann er öðruvísi en eiginmanns hennar. Ef þetta er svona, hver hefur þá rétt fyrir sér? Þau hafa bæði rétt fyrir sér vegna þess að þau sjá sannleikann hvert á sinn hátt. Það er meira um vert að vera heiðarlegur heldur en að segja satt, vegna þess að þegar maður er heiðarlegur, þá er maður sjálfum sér sannur.
Þið sem eruð á jörðinni gætuð horft á mynd á vegg og hvert ykkar myndi sjá myndina á mismunandi hátt. Einhver gæti horft á mynda og gert athugasemd um að lýsingin í myndinni sé of mikil. Annar gæti gert athugasemd um skuggana eða að litirnir séu ekki réttir. Þið sjáið myndina hvert með sínum augum, engin sér hana eins í og því liggur munurinn.
Það getur enginn á jörðinni sagt að hann viti sannleikann vegna þess að eins manns sannleikur er annars manns bull. Það getur engin manneskja haft rétt fyrir sér, vegna þess að hún hefur einungis rétt fyrir sér eins og hún sér hlutina, ekki eins og einhver önnur manneskja sér það. Ef einhver önnur manneskja er sammála þeim sannleika þá er það gott, en það er ekkert rangt við að finnast eitthvað annað. Ef þú krefst þess að einhver samþykki þinn sannleika, þá ert þú að valta yfir frjálsan vilja þeirrar manneskju. Hún verður að skoða hvað henni finnst og taka eigin afstöðu. Ákvörðunin getur verið sú að samþykkja ekki þinn sannleika. Þið hafið orðið að sauðum á jörðinni, þið hafið ekki áhuga á að fylgja ykkar eigin sannfæringu, heldur grípið þið annarra sannleika og lítið á hann sem ykkar sannleika.
Það er markmið okkar að með hækkandi orkutíðni á jörðinni verði ykkur gert kleift að vera þið sjálf, að horfa á ykkar sannleika. Jafnvel þó að einhver annar trúi því ekki, þá er það ÞINN sannleikur. Þegar einhver samþykkir sannleika einhvers annars, þá lokar hann á innsæið sitt og þar með sinn sannleika. Þegar þú samþykkir þinn sannleika, þá verður þú sá einstaklingur sem þér er ætlað að vera.
Mörg átök og stríð hafa byrjað vegna þess að einhver hélt fram sínum sannleika. Hversu oft hefur þú valdið vinum þínum og fjölskyldu hryggð vegna þess að þú hélst fram þínum sannleika? Hvers vegna getið þið ekki viðurkennt að þið eruð öll einstök? Hver og einn er öðruvísi en einhver annar. Eineggja tvíburar eru ekki einu sinni eins, hvor um sig hefur mismunandi persónuleika og tíðnisvið. Þegar þú hefur samþykkt þinn sannleika og viðurkennt annarra sannleika sem þeirra - án deilna eða átaka - þá verður þú uppljómuð/aður vegna þess að þú hefur komið þér út úr hjarðlífinu. Með því að gera þetta og hafa annan sannleika en einhver annar þá getur maður breytt jörðinni.
Maitreya
Beint á síðu http://www.maitreya-edu.org
© Jónína Þorbjörg Gunnarsdóttir netpóstur