 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
Karma
23. september 2009
Skilaboð frá Maitreya - miðlað af Margaret McElroy
Þú hrópar oft í sársauka þínum og þjáningu, „Guð“ hvers vegna er þetta að gerast hjá mér? Ég er góð manneskja, hvers vegna þjáist ég? "Ástæðan fyrir þessu og fyrir tilgangi lífsins er karma. Það er endurgreiðsla skulda og móttaka skulda.
Frá þeirri stundu sem þú fæðist þá byrjar þú leiðina við að endurgreiða þitt karma, taka við karma og hreinsa akasa skrárnar þínar. Ef þú getur gert það í þessu lífi, þá losar þú sjálfa/n þig út af hjóli lífsins. Horfðu á mús í búri snúa hjólinu. Það ert þú á lífshjólinu þínu, stöðugt að ýta, halda áfram, en nærð aldrei að komast neitt. Öðru hverju ferð þú burtu og hvílist og síðan kemur þú aftur til baka, en á meðan þú hefur ekki náð að hreinsa akasa skrárnar þínar og náð stjórn á öllum fíngerðu líkömum þínum -efnis, hugar, tilfinninga og andlegum líkama þá ert þú í búrinu á hinu endalausa hjóli, líf eftir líf.
Það er margt andlegt fólk sem hefur yndislega andlega hæfileika og er dásamlegir heilarar eða ljósberar fyrir okkur í andlega heiminum, en þeir hafa ekki ennþá náð stjórn á einum eða fleiri af fíngerðu líkömum sínum. Þeir geta ekki haldið áfram á hærra stig fyrr en þeir hafa náð því.
Hvernig nærð þú stjórn á fíngerðu líkömunum? Leyfðu okkur að byrja á byrjuninni, á efnislíkamanum. Það þarf að ná stjórn á því efnislega, vegna þess að það þarf að ná jafnvægi í öllum fíngerðu líkömunum. Langanir í mat, gengdarlaus græðgi – allar langanir holdsins þarf að ná stjórn á ef maður á að hafa stjórn á efnislíkamanum. Sérhver fíngerður líkami hefur sjálf og æðra sjálf og maður verður að ná æðra sjálfinu í þeim öllum.
Í hugar líkamanum, verður maður að læra að hafa stjórn á hugsunum sínum - öllum hugsunum. Ef maður hefur neikvæða hugsun um eitthvað, þá getur maður ekki haft stjórn á hugar líkamanum. Mundu að það eru hugsanir sem skapa. Þegar þú hefur hækkað tíðnina þá skapar þú það sem þú hugsar, svo að stjórn á hugar líkamanum skiptir mestu máli.
Að ná stjórn á tilfinninga líkamanum er næsta skref, ekki leyfa tilfinninga líkama þínum að fara úr böndunum. Mörg ykkar á þessari jörð takið það sem sagt er við ykkur á persónulegan hátt og farið í uppnám yfir léttvægum hlutum. Þetta skapar stíflur í hjartastöðinni og ójafnvægi í tilfinninga líkamanum.
Loks er það stjórnin á andlega líkamanum. Maður verður að læra að nota þennan líkama skynsamlega, nota sjötta skilningarvitið - það andlega - og alheims orkuna á réttan og viðeigandi hátt. Þegar þú hefur náð því, þá er hægt að hafa samband við æðri mátt og kynnast þeim friði sem er ofar öllum skilningi.
Leiðin til þess að ná stjórn á sjálfunum í öllum fíngerðu líkömunum er löng og erfið. Það mun ekki gerast á einni nóttu og mun að minnsta kosti taka 10-15 ár af tíma jarðarinnar, frá því þú byrjar lærdóms ferli þitt. Allskyns próf eru lögð á leið þína. Tilgangur allra endurfæðinga er að losa þig við þær takmarkanir sem þú hefur komið fyrir í fíngerðu líkömunum þínum. Eigi að síður þegar þú kemur aftur til jarðarinnar í annað líf, þá tekur sjálfið stjórna aftur og baráttan milli sjálfsins og æðra sjálfins hefst. Mörg líf líða áður en stjórn næst á fíngerðu líkömunum. Stundum sárbæna sálir um hjálp til þess að losa sig við takmarkanir sínar og biðja karmaráðið um aðstoð. Kennari eða heilari er þá fundinn til þess að hjálpa þeim og ráðstafanir eru gerðar til þess að vinna með þeim í lífinu.
Á þessum tímum bíða tækifæri fyrir margar sálir á jörðinni til þess að læra að losa sig við takmarkanir hins fíngerða líkama. Fótónu orkan - Krist sálin í þeirri orku - er að skapa þessi tækifæri. Þar sem er kraftur ljóssins, þar er einnig vald myrkursins.
Myrkrið er sjálf allra fíngerðu líkamanna þinna. Það vill ekki sleppa. Það mun skapa ótta, blekkingu, efa, óöryggi og skort á sjálfstrausti. Það mun halda aftur af þér vegna þess að það vill ekki sleppa. Hvers vegna ætti það að gera það? Það hefur haft lausan taum í mörg þúsund lífum. Blekking er það versta sem sjálfið mun skapa. Það getur skapað aðstæður sem fá þig til þess að trúa einhverju sem er algerlega ósatt. Æðra sjálfið, veit þó sannleikann. Það hefur engar neikvæðar hugsanir og tilfinningar. Það bara ER. Það er "Ég ER" í öllu. Þegar sameiningu við þetta æðra sjálf er náð, þá er algjör friður vís. Það eru margir sem telja sig hafa náð stjórn á fíngerðu líkömunum - sem telja að þeir hafi stjórn á öllu en það kemur fram í hegðun þeirra hvort svo er. Ef þeir gagnrýna aðra, ef þeir efast, óttast, dæma aðra, hleypa einhverju neikvæðu að í lífi sínu, þá hafa þeir ekki gert þetta. Jafnvel ein lítil gagnrýni á annan er nóg til þess að stöðva þetta.
Ljósið skín úr líkömum þeirra sem hafa lært að hafa stjórn á fíngerðu líkömunum og hafa staðist prófin sem hafa verið lögð fyrir þá. Þeir hafa stjórn á öllu, sem þeir gera. Ástin á náunganum skín út úr hjartastöðinni þeirra og þeir eru sannarlega guðsmanneskjur, eða hinn æðsti kraftur. Þegar þessu hefur verið náð, þá er hægt að yfirgefa jörðina í eitt skipti fyrir öll.
Maitreya
Beint á síðu http://www.maitreya-edu.org
© Jónína Þorbjörg Gunnarsdóttir netpóstur