 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
Að færast inn í hærri tíðni – 3. hluti
27. júlí 2009
Skilaboð frá Maitreya - miðlað af Margaret McElroy
Þetta eru sum þeirra tilfinningalegu eða líkamlegu einkenna sem tengja má við fótónuorkuna.
Minnisleysi eða tilfinning um að vera utan við sig:
Þetta getur verið ógnvekjandi reynsla vegna þess að það gæti verið að þið mynduð ekki hvað þið voruð með í kvöldmatinn fyrir klukkutíma síðan. ÞIÐ ERUÐ EKKI AÐ TAPA MINNINU. Þið eruð að færa virknina úr vinstra heilahveli yfir í meiri virkni í hægra heilahveli. Það er verið að virkja svæði í heilanum til þess að takast á við þá háu orku sem er að koma inn. Miðlinum mínum fannst oft eins og hún væri að fá heilablæðingu og henni fannst hún ekki geta tjáð sig. Orðin sem hún sagði voru oft ruglingsleg og afbökuð. Þetta ástand mun ganga yfir, en það eru engin tíma takmörk á þessu.
Verkir í eyrum og heyrnar vandamál:
Finnast sem hljóð séu skyndilega of hávær er annað vandamál tengt hærri orkutíðni. Allt í einu er svo mikill hávaði. Hundur að gelta í þriggja gatna fjarlægð getur virst vera í næsta húsi. Sumu fólki finnst eins og einhver eða eitthvað sé í eyrunum og hafa þörf fyrir að vera stöðugt að klóra sér. Það koma líka oft fram verkir. Þetta er vegna þeirrar háu orku sem er að koma inn.
Ofurviðkvæmni:.
Þegar þú opnast fyrir hærri tíðni þá muntu finna að þú verður einstaklega viðkvæm/ur fyrir fólki, hljóðum, alls kyns hlutum. Þetta getur haft áhrif á miðtaugakerfið og getur verið frekar erfitt að eiga við. Þú þarft að taka B vítamín og fjölvítamín ef þú ert að finna fyrir þessu. Ef þú hefur ofnæmi fyrir þessum vítamínum leitaðu eftir remedíum eða Bach blómadropum gegn ofurviðkvæmni.
Þunglyndi:
Það er mjög algengt að finna fyrir þunglyndi vegna hækkandi tíðnisviðs. Hin háa orka sem er að koma inn neyðir alla sjúkdóma, vírusa, allt sem hefur verið dulið í líkamanum til þess að koma upp á yfirborðið. Þetta kemur oft fram sem þunglyndi. Leytið til andlegs ráðgjafa og reynið að komast að rótum vandans. Það gæti verið tengt fyrri lífum svo athugið það líka. Verið ekki hrædd, það mun líða hjá og ykkur mun finnast þið svo létt þegar það er farið. Jónsmessurunni (St Johns Wort) getur hjálpað í sambandi við þunglyndi.
Blikkandi ljósaperur og hvissandi rafmagn:
Miðillinn minn labbaði einu sinni inn í nýsjálensku útvarpsstöðina í Aucklandi og öll stjórntæki urðu óvirk. Öll ljós tóku að blikka þegar hún fór inn í sjónvarpsstöðina í Los Angeles til þess að gera sjónvarpsþátt. Hún á líka í vandræðum í stúdíóum og með hljóðritun geisladiska. Ef þetta er að gerast hjá þér þá ert þú raunverulega að ná mjög háu tíðnisviði og munt líklega verða afgerandi heilari eða miðill fyrir andlega heiminn. Það er vegna þess að það er einstaklega há orka að koma inn í líkamann. Það má líkja því við að það sé að koma 50.000 volta inn á sama tíma. Það er ekki bara líkaminn sem getur ekki höndlað þetta, heldur fer rafmagnið í gegnum líkamann og út aftur. Þegar það gerist þá hefur það áhrif á öll rafmagnstæki.
Fótónuorkan sjálf gerir það þegar hún kemur nær jörðinni. Það er eitt gott við það og það er að þið munið verða miklu færari um að takast á við fótónu orkuna heldur en hinn venjulega manneskja á götunni.
Viðbrögð dýra:
Þið munið finna að hundar, kettir og önnur dýr munu verða meðvituð um orkuna ykkar og annað hvort verða hrædd við hana eða vilja vera stöðugt inn í henni. Mörg dýr fá aldrei nóg af orkunni. Önnur eru svolítið hrædd vegna þess að þau skilja hana ekki. Þetta mun hverfa eftir því sem líkami ykkar venst hinni háu orku.
Fæðubreytingar:
Þegar þið hækkið tíðnina þá munið þið finna að ykkur langar ekki lengur í þá hluti sem ykkur langaði vanalega í. Fólk fer að sleppa kaffi, tei og kjöti en það eru aðeins þrjár fæðubreytingar sem fólk gerir oft þegar það hækkar í tíðni. Kjöt er sérstaklega þétt og getur vissulega haft áhrif á orku líkamans, sérstaklega ef það inniheldur hormón. Þið getið fengið þörf fyrir sérsakan mat eða haft þörf fyrir að hætta að borða uppáhalds matinn ykkar. Þetta er eðlilegt og hluti af þeim breytingunum sem gerast við hækkandi orkutíðni. Ef þið finnið að þetta er að gerast, þá skuluð þið leyfa því að gerast og kanna nýja möguleika.
Þegar þið hækkið tíðnina þá munið þið fara í gegnum mismunandi vitundarstig. Þegar þið byrjið að breytast þá farið þið inn á tunglstigs vitundina. Það er þarna sem þið byrjið að þróa skyggnigáfu og heilunar hæfileika og verðið næmari. Þetta vitundarstig tekur venjulega um það bil fimm ár.
Næsta stig er sólar vitundarstig. Á þessu stigi verði þið ennþá innstilltari og þið byrjið að heila og hreinsa vandamál úr orkulíkömunum. Fyrir ykkur sem vitið það ekki, við erum ekki bara efnislíkaminn við erum líka með tilfinningalíkama, hugarlíkama og andlega líkama. Á sólar vitundarstiginu hreinsum við öll vandamál á þessum svæðum. Það tekur venjulega þrjú til fimm ár að fara í gegnum þetta. Margir fara aldrei hærra því þetta er mjög hátt vitundarstig.
Stellar vitundarstigið er næsta skref en það er bara fyrir þá sem eru að fara að vinna á mjög háu stigi með andlega sviðinu. Það að ná Stellarstiginu þýðir að þú hafir hreinsað allar orkustöðvarnar og tekist á við allt karmað og að þú sért hreinn miðill fyrir andlega heiminn. Næsta skref er sameining við hinn guðlega kraft, Guð, almættið eða hvað það er sem þið óskið eftir að kalla hinn æðsta kraft og það er vissulega aðeins mögulegt fyrir mikla andlega kennara.
Tilgangur fótónu orkunnar er að breyta orku jarðarinnar í hærri tíðni. Hún hreinsar í burtu allt það gamla og neikvæða á jörðinni svo að hin nýja fræðsla geti átt sér stað og hún hjálpi mannfólkinu að hækka orkutíðnina sína. Þetta mun valda miklu róti í heiminum. Það munu verða náttúruhamfarir - þær eru að gerast nú þegar - og meira á eftir að verða. Þegar það verður gengið yfir þá mun mannkynið verða breytt, það verður ekki lengur uppfullt af egói eða sjálfi og vill ekki lengur stríð. Þá verður friður í þúsundir ára.
Bjóðið fótónu orkuna velkomna inn í líf ykkar, leyfið breytingunum að verða. Ekki berjast á móti þeim (þið getið það ekki þið mynduð tapa). Reynið að hlæja þar sem þið eruð - það á ekki að taka lífinu alvarlega. Þegar eitthvað dregur ykkur niður horfið þá á hvað er að gerast í heiminum. Verið þakklát fyrir það sem þið hafið. Mörg ykkar munið vinna fyrir andlega sviðið í framtíðinni til þess að gera þennan heim að betri stað. Til þess að gera það, þá verðið þið að fara upp á þeirra stig. Það er það sem fótónu orkan er að hjálpa okkur með. Njótið ferðalagsins!
Maitreya.
Beint á síðu http://www.maitreya-edu.org
© Jónína Þorbjörg Gunnarsdóttir netpóstur