 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
Að færast inn í hærri tíðni – 1. hluti
16. júlí 2009
Skilaboð frá Maitreya - miðlað af Margaret McElroy
Nú þegar við nálgumst árið 2012 þá er jörðin að ganga inn í tímabil þar sem tíminn eins og þið þekkið hann er orðin öðruvísi. Það hefur margvíslegar afleiðingar. Ein afleiðingin er sú að ykkar mannlegi líkami bregst við hærri orkutíðni sem er að koma inn í orkusvið jarðarinnar. Þetta orkusvið hefur verið kallað fótónuorkan og hún er hér í ákveðnum tilgangi. Þessi orkurönd hefur verið að færast nær og nær jörðinni frá því 1982 og hefur verið að hafa ótrúleg áhrif á alla þá sem mótttækilegir eru fyrir þessari orku. Hún hraðar tímanum eins og þið þekkið hann og færir ykkur að lokum út úr línulegum tíma. Þessi orka er líka ástæðan fyrir því að fleiri hundruð þúsund manns á jörðinni er í leit að því andlega, fara í heilun á mörgum sviðum – líkamlega, tilfinningalega, hugar og andlega. Orkan er að valda því að margt fólk sem vinnur við skrifstofustörf, í verslunum, verksmiðjum og í fleiri starfsgreinum er að fara að vinna við heilun í hálfu eða fullu starfi.
Þegar þið farið að nálgast árið 2012 þá mun þetta orkuband- vegna þess að þetta er orkuband- færast sífellt nær jörðinni. Þetta er ekki bara að skapa vandamál í sambandi við tímann eins og þið þekkið hann, þetta er líka að hafa áhrif á ykkur líkamlega. Það hafa mjög fáar bækur verið skrifaðar um þetta málefni og þær fáu sem hafa verið skrifaðar eru svo tæknilegar að þið þurfið sérstaka orðabók bara til þess að skilja hugtökin. Það er skorturinn á þessari þekkingu sem fær mig til að skrifa þessar upplýsingar. Ég vona að það muni hjálpa mörgum sem eru andlega þroskaðir, í leit að því andlega, eða eru við það að opna fyrir skilningi á þeim breytingum sem geta orðið vegna orkunnar.
Þessar breytingar eru að verða vegna þess að við í andlega heiminum erum að hjálpa fólki að hækka orkutíðnina sína til þess að þið getið höndlað hina háu orkutíðni sem jörðin er fara inn í. Þið gætuð hafa tekið eftir því (hver hefur það ekki) að tíminn- eins og þið þekkið hann - er hraðari. Einu sinni höfðuð þið allan heimsins tíma, þið fóruð á fætur á morgnana og tíminn stóð kyrr allan daginn. Þið liðuð í gegnum daginn, réðuð við að gera öll verkefnin og svo í lok dagsins fóruð þið að sofa. Núna eruð þið varla komin fram úr rúminu og það er komið hádegi. Þið spyrjið ykkur, hvert fór dagurinn? Allt í einu er komið kvöld og þið hafið ekki gert neitt af því sem þið voruð búin að ákveða að gera, tíminn hefur bara fokið út í buskann. Ástæðan fyrir þessu er fótónuorkan.
Ef þið hafið opnað fyrir því andlega, eruð á leiðinni ykkar, eða eruð það sem kallað er ljósberar (sumir er nú þegar að vinna fyrir andlega sviðið) þá getið þið verið viss um að þið munið fá eitt eða fleiri af þeim einkennum sem ég ætla að skrifa um á næstu dögum. Þegar orkan breytist á jörðinni þá mun líkami ykkar breytast líka. Margir munu ekki ná að höndla orkuna og munu taka ómeðvitaða ákvörðun um að yfirgefa jörðina, annað hvort fyrir eigin hendi, eða í slysi. En það mun verða samkvæmt þeirra ákvörðun hvenær það gerist. Fyrir þau ykkar sem haldið áfram og farið inn í fótónuorkuna, það mun ekki bara verða tíminn sem verður ekki eins og hann var, það getur líka verið fullt af öðrum einkennum. Ef þú ert ein/n af þeim sem finnur fyrir þessum einkennum, láttu það ekki á þig fá því þú ert ekki ein/n. Þúsundir annarra eru að upplifa þau líka.
Það hefur verið rætt um pólskipti jarðarinnar í mörg ár, meiri háttar umskipti sem væru að verða í tengslum við aldamótin. Jæja, hér eru þau og enginn er undirbúin. Þau eru í gildi, "Krist orkan." Hún er að undirbúa þá sem hafa verið að bíða eftir upphafi hinnar nýju aldar. Þetta er á sama tíma "eins og þjófur að nóttu," eins og Kristur talaði um endurkomu sína. Fótónuorkan er eins og vírus - hljóðlátur, hann hreyfist hægt í gegnum líkamann, bíður þess að komast upp á yfirborðið. Engin er viðbúin og flest fjölmiðlafólk hlær þegar því er sagt frá þessu.
Þessi orka er að hafa áhrif á allar ykkar samskiptaleiðir, rafmagnsvíra, tölvur - í raun og veru öll þau svið þar sem raforka er notuð. Í að minnst kosti tveimur tilfellum hefur orðið verulegt spennufall í Bandaríkjunum þar sem ekki hefur verið hægt að finna orsökina fyrir því. Það er ekki hægt, vegna þess að engin hefur séð neitt þessu líkt áður og það mun vissulega breyta þeim viðhorfum sem þið hafið í sambandi við raforku í framtíðinni. Á næstu þremur árum munu æ fleiri svæði á jörðinni verða fyrir svona spennufalli og engin getur útskýrt af hverju þetta gerist.
Þeir sem eru innstilltir á fótónuorkuna þurfa ekkert að óttast. Þeir munu hafa unnið með sjálfa sig til þess að losa sig við hindranir sínar og eru komnir í hærri andlega vídd eða tíðni. Þeir munu líka hafa gengið í gegnum mikið af þeim breytingum sem ég minnist á í þessu bloggi þannig að þeir munu vera stilltir inn á hærri orku. Orkan í fótunuorkunni mun ekki hafa áhrif á þá vegna þess að þeir hafa unnið með sjálfa sig - unnið með karmað, horfst í augu við sjálfið og unnið á öllum þeim vandamálum sem hafa blokkerað þá í þessu og öðrum lífum. Lærið að lifa í NÚINU. Hafið ekki áhyggjur af því liðna og af framtíðinni. Þá munið þið eiga auðveldara með að takast á við fótónuorkuna.
Svo hverjar eru þessar breytingar sem munu verða og hvernig munu þær hafa áhrif á ykkur? Á næstu dögum mun ég telja upp flest þau einkenni og ef það er mögulegt, hvernig á að takast á við þau. Sumar breytingar munið þið aðeins þurfa að vinna ykkur í gegnum. Á öðrum munið þið geta fundið lausnir sem munu hjálpa ykkur að ráða við þær. Í sambandi við þetta, þið megið vita að þið eruð að hækka tíðnisviðið ykkar til þess að geta ráðið við það tíðnisvið sem er á jörðinni. Miðillinn minn veit að það er ekki þægileg upplifun þar sem hún hefur gengið í gegnum þetta persónulega. Hún komst í gegnum það og framtíðar útgáfa þessa bloggs er handbók þess sem komst af til þess að hjálpa ykkur að ráða við það líka. Margaret fór í gegnum miklar breytingar á tólf ára tímabili, frá árinu 1984 til 1996. Það var erfitt tímabil en hún er ánægð að hún fór í gegnum það vegna þess að hún vann í gegnum allar sínar hindranir. Orkustöðvarnar hennar eru núna hreinar og virkar. Ljós fer auðveldlega í gegnum líkama hennar hratt og vel. Hún er orðin kraftmikill heilari, hún er skyggnari og hreinni miðill fyrir Krist orkuna. Þessi orka bíður eftir að flæða í gegnum aðra líka. Hún er kennari, heilari og andlegur ráðgjafi, en hún hefði ekki getað orðið það án þess að ganga í gegnum þessar breytingar. Þið munið ekki verða fær um það heldur. Munið bara að ef þið eruð að fara í gegnum þessar breytingar, þá eruð þið ekki ein. Það eitt ætti að hjálpa ykkur.
Maitreya.
Beint á síðu http://www.maitreya-edu.org
© Jónína Þorbjörg Gunnarsdóttir netpóstur