Viska og gleði

Dauðinn

8. maí 2009

Skilaboð frá Maitreya - miðlað af Margaret McElory

Með augum miðilsins míns hef ég verið að fylgjast með óttanum sem hefur verið dreift vegna flensu sem hefur hlotið nafnið "svínaflensa." Það hafa alltaf verið til plágur og sjúkdómar af völdum vírusa í heiminum. Þú velur sem sál, í gegnum fæðingar - og dagskortið, hvort þú ætlar að fara í gegnum þetta ástand og vera áfram á jörðinni eða koma heim til okkar vegna þeirrar upplifunar. Það er svo mikill ótti við dauðann, við að deyja. Af hverju er þetta?

Síðustu hundruði ára höfum við verið að fræða ykkur um dauðaferlið, í gegnum miðla, með því að miðla efni. Sum ykkar lifið bara í nokkur ár vegna þess að þið komið aftur til þess að klára eitthvað úr fyrra lífi. Aðrir eiga langa ævi á meðan enn aðrir fara á miðjum aldri. Þið veljið öll þann tíma sem þið fæðist og deyið. Sumar sálir geta skapað mjög hratt - sérstaklega þær sem hafa góðar plánetur og afstöður í 11. húsi í fæðingarkortinu og ef þær óttast eitthvað (sérstaklega að verða veikar, smitast af veiru og deyja úr þeim veikindum), þá mun það verða sem þær trúa. Þær hefðu ekki þurft að snúa aftur heim, en ótti þeirra er svo svakalegur að þær einblína á þá hugsun. Ótti þeirra er svo mikill að þær skapa í raun og veru það sem þær óttast og það fer með þær heim til okkar. Auðvitað var það ekki í áætlun þeirra að gera það, þess vegna er nauðsynlegt að koma til baka og lifa þessi ár sem eftir voru eða jafnvel hálft æviskeið.

Umfram allt, ef tíminn ykkar er kominn til þess að snúa heim, óttist þá ekki - þið munuð aldrei deyja ein. Það er alltaf einhver úr okkar heimi sem bíður eftir að taka á móti ykkur og fara með ykkur til okkar. Þið getið heldur ekki hindrað það, óttist því ekki og leyfið sál ykkar að fara eins og hún átti að gera. Ekki streitast á móti, þar sem það mun ekki gera ykkur gott. Kannski er það óttinn við að missa ástvini og fjölskyldu ykkar. Venjulega er líf ykkar um það að læra að aðskilja sig frá þeim aðstæðum og ekki gefa því svo mikla orku. Á meðan þú ert að aðlagast endurkomunni, þá getur þú fylgst með þessu fólki frá okkar heimi, ef þú vilt og eins oft og þú vilt. Það eina sem þú getur ekki gert er að gefa þeim ráð og vera þátttakandi í lífi þeirra. Þegar þú snýrð aftur heim og ferð að venjast aftur því lífi sem er hér og þeirri staðreynd að engin sál er fædd til þess að vera tengd annarri, þá getur þú sleppt.

Sjáðu til þið eruð öll á jörðinni til þess að hjálpa hvort öðru, til þess að kenna hvort öðru. Þið eruð spegill fyrir aðra, til að sýna þeim hvað það er sem þið getið ekki séð í ykkur sjálfum. Faðir þinn gæti hafa verið elskhugi þinn eða eiginmaður í öðru lífi. Konan þín gæti líka hafa verið barnið þitt, bróðir eða vinur í öðru lífi. Þú munt ekki hafa þá manneskju sem þú ert gift/ur í næsta lífi. Þau eru einungis til staðar til þess að vera kennarar/ speglar fyrir þig. Þið getið að sjálfsögðu verið mjög nánir vinir í okkar heimi, en þegar lífið er búið, fer oftast annar og sker á tengi þræðina við þá sem hún/hann hefur verið tengd/ur við á jörðinni.

Það eru fáar sálir á jörðinni sem hafa aðskilið sig frá tilfinningum og geta snúið aftur heim í þeirri fullvissu að þær eru ekki að fara vera með konu sinni, karli eða vini í lífi sínu hér. Þau eru nú þegar aðskilin og þær sálir eiga auðvelt með að ganga í gegnum umskiptin. En þær sálir sem eru áhyggjufullar, sem geta ekki sleppt þegar þær fara yfir, þær dvelja á móttöku svæðinu fara rólega í að sleppa sálar minningunum úr síðasta lífi og að ná aftur innsýn inn í okkar heima. Ef lífið hefur verið átakafullt og erfitt, þá geta umskiptin tekið dálítinn tíma, en við höfum nógan tíma í okkar heimi.

Til eru þeir sem segja að við höfum ekki tíma, en við höfum hann. Hins vegar er hann öðruvísi en tíminn ykkar á jörðinni. Á okkar tíma, getur það tekið smá stund fyrir sálina að átta sig á því að fullu að hún var í blekkingu og er komin aftur heim.

Óttist ekki dauðann, því að ef þið gerið það þá verður erfiðara fyrir ykkur að koma heim. Fagnið dauðanum. Þú losnar við allan sársauka og þjáningu (sem þú hefur valið) vegna jarðneskrar reynslu þinnar þegar þú yfirgefur líkamann. Fyrir stuttu sendum við til miðilsins míns eitt af þeim fórnarlömbum sem kusu að vera í fangelsi og vera misþyrmt vegna leitar Bandaríkjamanna í sambandi við hryðjuverk. Hann átti mjög sársaukafullan og einmannalegan dauðadaga í fangelsi. Í augum margra var hann bara venjulegur maður sem var handtekinn og pyntaður. Hann var farin úr líkamanum löngu áður en hann dó. Hins vegar fann hann sársauka og þjáðist. Hann langaði til þess að koma til baka og sýna miðlinum mínum (Margareti) að hann fyrirgæfi þeim sem særðu hann og að hann héldi ekki í neitt í sambandi við þá. Miðilinn minn var komin í verulegt uppnám vegna stöðugrar umræðu um þessi mál í sjónvarpinu. Hún átti ekki til orð vegna kærleika þessa manns og fyrirgefningu vegna þess sem hafði gerst. Það hjálpaði henni vissulega að fá að sjá dauðaferlið margendurtekið.

Auðvitað eru til sálir sem eru svo óttaslegnar að þær geta ekki farið. Þessar sálir verða jarðbundnar, þær eru ófærar um að halda áfram og yfirgefa jörðina vegna eigin ótta. Það þarf meistara kennara sem vinnur af samúð og skilningi til þess að hjálpa þeim að koma heim úr þessu dökka svæði óttans, auk þeirra sem aðstoða þessar sálir í ykkar heimi við að koma þeim yfir í okkar heim.

Þú getur ekki flúið dauðann, þú getur ekki barist gegn því. Allar sálir þurfa að yfirgefa líkama sinn. Ef þú ert hrædd/ur við dauðann, finndu þá út hvers vegna það er. Var dauði þinn sársaukafullur í síðasta lífi? Þjáðist þú þegar þú lést? Af hverju óttast þú? - Það var eins með miðilinn minn, hún óttaðist einu sinni að deyja. Finndu út hvers vegna og þú losnar við óttann. Þú mátt vera viss um að þegar þú kemur heim, sama hvað þú hefur gert í lífinu, þá er þér alltaf mætt með kærleika, samúð og skilningi. Enginn dæmir þig - ekkert okkar. Þú munt auðvitað dæma þig sjálf/ur þegar þú hefur ekki lengur sjálfið, en jafnvel þá er þér veitt hjálp til þess að gera þér kleift að sleppa.

Maitreya.

Efst á síðu

Kennsla Maitreya

Heim

Beint á síðu http://www.maitreya-edu.org