 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
Andlegt líf og kynorka
21. október 2009
Skilaboð Maitreya -miðlað af Margaret McElroy
Eitt mikilvægasta málefni sálar á andlegri leið er kynorkan. Margar sálir spyrja, „Hvernig get ég hækkað tíðnina mína?“ „Hvernig get ég náð hæsta vitundar stigi?“ Aukið vitundarstig næst aldrei nema að það sé opnað fyrir kúndalíní orkuna og eter vefurinn sem er á neðsta hálsliðnum sé brenndur burtu með kúndalíní eldinum.
Margir jógar ná að reisa kúndalíní orkuna, það er hægt að ná því með margra ára hugleiðslu ástundun. Það eina sem maður þarf hins vegar er hinn rétti félagi – hin rétta orka og að reisa kúndalíní orkuna til þess að brenna í burtu eter vefinn til þess að ná hærra vitundarstigi.
En þó að maður hafi rétta félagann, til þess að virkja kúndalíní orkuna þá getur verið mjög erfitt að ná því, vegna þess að flestir í hinum vestræna heimi gera sér ekki grein fyrir því hversu mikilvægt kynlíf er í tengslum við andlega þróun. Margar sálir eru ómeðvitaðar um mikilvægi þess að hafa allar orkustöðvarnar opnar og orkuna flæðandi með tilliti til andlegs þroska. Margar karlorku sálir hafa enga hugmynd um það hvernig á að gera félaganum til hæfis - hvernig á að undirbúa konuna fyrir það að kúndalíní orkan rísi - og margar konur eru alveg jafn fáfróðar.
Einu sinni var það í verkahring hofpresta og hofgyðja að fræða karla og konur um þá list að veita unað, því það er það sem kynferðislega athöfn er. En kynlífsathöfn margra sálna sem eru á jörðinni í dag, varir einungis í nokkrar mínútur og margar sálir furða sig á því út á hvað öll þessi læti ganga. En raunverulegt andlegt kynlíf (sem einnig er þekkt sem tantra kynlíf) getur verið mjög falleg upplifun sem opnar rótarstöðina - og snýr þar með öllum hinum orkustöðvunum - til þess að leyfa hinu eiginlega orkuflæði að fara í gegnum hina hárfínu orkulíkama.
Það eru margar andlegar sálir í heiminum í dag sem iðka list sína við heilun, ráðgjöf og skyggnilýsingar sem hafa í raun og veru aldrei opnað fyrir kúndalíní orkuna og hafa aldrei fundið fyrir eldinum fara upp mænuna til þess að rjúfa eter vefinn og þegar hann hefur rofnað, að halda tengingu hins örvaða andlega orkuflæðis upp að hálsi, ennisstöð og höfuðstöð. Það eru mjög fáir sem geta kennt þetta, þannig að mannfólkið dvelur áfram í myrkrinu, ómeðvitað um að það má flýta fyrir andlegum þroska með því að reisa kúndalíní orkuna.
Í áranna rás hefur mannfólkið gleymt tilgangi kynorkunnar. Það hefur ekki lært um tengslin á milli kynorkunnar og orkustöðvanna. Þetta er eitt það mikilvægasta sem nokkur getur lært á leiðinni til þess að hækka tíðni og vitund. Þær sálir sem ná þessu, verða eitt með skaparanum, eða Guði og ná tengingu við hið óendanlega.
Maitreya.
Beint á síðu http://www.maitreya-edu.org
© Jónína Þorbjörg Gunnarsdóttir netpóstur