 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
Að þekkja muninn
15. janúar 2007
Skilaboð frá Maitreya - miðlað af Margaret McElroy
Þegar þið eruð á andlegri leið er erfiðast að læra að skilgreina hvað er lægra sjálfið og hvað er æðra sjálfið. Mörg ykkar kannist við lægra sjálfið sem egó, já, það er það, en það er líka margt annað. Í gegnum tíðina hefur það lært að fara inn á svæði í mannshuganum þar sem ótti, efi, óöryggi og sársauki liggur. Það heldur í þessar tilfinningar og bíður þangað til þið farið út úr þægindahringnum, þar sem því finnst það vera öruggt og óhult. Þá bregst það við eins og snákur sem bíður eftir bráð sinni.
Mörgum sálum finnst erfitt að finna út hvenær sjálfið er að verki, vegna þess að sjálfið getur blekkt og látið ykkur halda að það sé æðra sjálfið. Það er einungis kennari í hárri orkutíðni eða sá sem getur lesið orku sem getur þekkt lægra sjálfið í allri sinni dýrð. Það er venjulega óttinn sem birtir sig. Sjálfið er óttinn, það þolir ekki breytingar – það vill halda í þægindi lífsins. Það vill ekki valda deilum þegar það segir sanneikann, svo það segir hann ekki. Ár eftir ár, heldur það manni í ánauð og þrælkun. Æðra sjálfið vísar ykkur ávallt þá leið sem þið ættuð að fara, leiðina sem þið hafið valið sem hluta af ykkar andlega ferðalagi, en sjálfið heldur ykkur auðvitað í óttanum.
Oft vitið þið ekki að það er kannski nauðsynlegt að valda öðrum sársauka til þess að þeir þroskist, að þeir muni læra ef þeir verða særðir. Í skólanum segir kennari nemanda oft sannleikann, sannleika sem nemandanum líkar ekki að heyra, en gerir honum kleift að halda áfram og losa sig við gamalt mynstur. Við í okkar heimi reynum að koma ykkur áfram í gegnum miðla, með draumum og í gegnum hugleiðslur. Lægra sjálfið stoppar ykkur samt oft með því að skapa ótta.
Margir eru ekki sjálfum sér samkvæmir á andlegu leiðinni. Þið lifið í blekkingu á hverju degi, vegna þess að þið takist ekki á við áform ykkar um að halda áfram á þroskabrautinni og taka við þeirri hamingju sem er réttilega ykkar. Þið haldið aftur af ykkur, það er ykkar val, en þegar þið komið aftur heim, í okkar heim, þá sjáið þið það sem þið gerðuð og vilduð þá óska að þið hefðuð ekki gert þetta, þar sem þið verðið að takast á við að fara enn annan hring endurfæðingar til þess að læra sömu lexíuna.
Reynið að greina á milli hvað er sjálfið og hvað er æðra sjálfið. Reynið að uppfylla lífsáætlun ykkar eins vel og þið getið. Látið ekki ótta, ótta annarra, eða ótta við breytingar hindra ykkur í að halda áfram. Þegar þið hafið gert þetta og leyfið sjálfinu ekki að vera frjálsu, þá getur æðra sjálfið komið inn í líf ykkar og hjálpað ykkur að uppfylla lífsáætlun ykkar á hinu æðsta sviði.
Maitreya.
Beint á síðu http://www.maitreya-edu.org
© Jónína Þorbjörg Gunnarsdóttir netpóstur