 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
Hjónaband
Kennsla Maitreya - miðlað af Margaret McElroy
Peter hefur beðið mig um að tjá mig um hjónabandið í andlegu samhengi. Fyrst vil ég segja að við í andanum krefjumst ekki hjónabands. Það er val sem mannkynið tekur sjálft. Hjónabandið varð til af mannanna völdum og var upphaflega að miklu leyti skapað til að veita karlinum vald yfir konunni. Það skiptir engu máli hvort barn fæðist innan eða utan hjónabands, það er jafnt elskað af Guði. Staða þess breytir því ekki.
Í gegnum árin hefur hjónabandið í mörgum tilfellum orðið að viðskiptum: því meira sem eytt er í brúðkaupið, þeim mun meiri virðingu virðist parið fá. En hjónaband snýst ekki um föt, tertur, veisluhöld eða gestamóttöku. Það snýst um skuldbindingu tveggja einstaklinga við hvort annað.
Stundum þurfa tvær manneskjur að ganga í hjónaband, eins og í tilfelli Margaret, miðilsins míns og Peter, eiginmanns hennar. Þau áttu óuppgert mál úr fortíðinni þar sem Peter flúði á brúðkaupsnóttinni með annarri konu. Í þessu lífi kaus hann að snúa aftur og vera kyrr. Það var mikið áfall fyrir hann þegar hann áttaði sig á þessu og það skapaði mikla innri baráttu. Slík barátta er oft til staðar þegar karma er til staðar í sambandi, annar aðilinn vill enn hlaupa í burtu.
Þegar tvær manneskjur koma saman ætti það alltaf að vera þeirra eigið val hvort þær giftist eða ekki. Við í andanum krefjumst þess ekki. Í mörg ár neyddi kirkjan fólk til hjónabands og börn sem fæddust utan þess voru stimpluð sem bastarðar og látin finna fyrir því að þau væru öðruvísi. Guð lítur ekki á neitt barn sem öðruvísi þau eru öll hans börn.
Ef þú velur að ganga í hjónaband, spurðu sjálfan þig: þarf ég alla athöfnina? Oft kemstu að því að svarið er nei. Ef þú velur að halda athöfn, ættir þú að gera hana andlega.
Oft koma tvær manneskjur saman til að klára karma og síðar á lífsleiðinni er ekki lengur neinn neisti eftir í sambandinu. Það er einnig í lagi að yfirgefa samband ef þið eruð óhamingjusöm. Ef karmískur lærdómur er ekki fullkláraður, mun alheimurinn færa þér annan félaga til að læra af aftur.
Við setjum engar kröfur. Þið, mannkynið, veljið sjálf hvað þið þurfið og hvernig þið lifið. Stjörnukortið ykkar getur gefið vísbendingar um hvort þið eigið að upplifa samband við fleiri en einn maka í lífinu. Ef slíkur möguleiki er fyrir hendi, ætti ekki endilega að klára allt karma með einum maka. Það er ykkar val.
Maitreya.
Beint á síðu http://maitreya.co
© Jónína Þorbjörg Gunnarsdóttir netpóstur