 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
Láttu ekki aðra stoppa draumana þína
Skilaboð Maitreya - miðlað af Margaret McElroy
Margir eyða miklum tíma í að hafa áhyggjur af vinum og fjölskyldu, þó að allar heimsins áhyggjur geti ekki breytt örlögum þeirra. Sumar sálir velja að upplifa erfiðleika og baráttu í lífinu og þegar þú hefur áhyggjur af þeim getur það skapað ótta og jafnvel ýtt undir erfiðari aðstæður með þessum hugsunum. Þú áttar þig kannski ekki á því að með áhyggjum og ótta ertu í raun að hindra þau í að læra mikilvægar lífslexíur sem styðja við sálarþroska þeirra.
Sérhver sál velur sínar eigin lífslexíur. Það getur verið krefjandi að læra þær, en þegar þeim er lokið þýðir það að sálin þarf ekki að snúa aftur til að upplifa þær á ný. Áhyggjur stöðva ekki það sem sálir hafa valið að ganga í gegnum, þær geta jafnvel gert aðstæður erfiðari. Allar sálir bera svörin við áskorunum sínum innra með sér, en þegar þú grípur inn í líf annarra er hætta á að þú truflir flæði þessara svara. Þetta flæði getur stöðvast bæði vegna áhyggja þinna og vegna sannfærandi orða eins og „Ég myndi ekki gera þetta ef ég væri þú.“
Nýlega spurði miðillinn minn, sem er mjög listræn, hvort hún hefði haft möguleika á að verða brúðarkjólahönnuður. Ég sagði henni að hún hefði sannarlega getað það. Hún hafði valið sér mörg lífsstörf en aldrei náð að vinna við þau. Ástæðan var að stórum hluta ótti hennar við föður sinn, sem sagði henni að hún hefði ekki nægilega hæfileika til að vera hönnuður. Í stað þess að trúa á sjálfa sig kaus hún að trúa honum. Hann gerði margt sem stöðvaði drauma hennar og hún leyfði því að gerast. Í mörg ár kenndi hún honum um, en í raun var það ótti hennar við hann sem stöðvaði draumana, ekki hann sjálfur.
Þekkir þú einhvern sem á sér drauma sem hann hefur ekki hrint í framkvæmd? Hefur einhver einhvern tíma stöðvað þig með orðum sínum eða vakið hjá þér ótta við að láta drauma þína rætast, vegna þess að þú trúðir ekki á eigin hæfileika?
Hættu að hafa áhyggjur af öðrum þegar kemur að hæfileikum þeirra og þínum eigin. Bæði þú og aðrir vitið, djúpt í undirvitundinni, hvað þarf til að láta draumana rætast. Það er aðeins óttinn, ótti annarra við eigin hæfileika eða trú þeirra á takmarkanir sem getur stöðvað ferlið.
Talaðu þinn sannleika. Segðu: „Ég veit að þér mun ekki líka þetta, en þetta er mitt val.“
Leyfðu engum að stöðva þig í að lifa draumana þína. Ef þú finnur að einhver hefur áhyggjur af þér, láttu viðkomandi vita að þú sért í lagi og þurfir ekki á áhyggjum hans að halda. Ef hann hættir ekki, segðu þá þinn sannleika af festu og biddu hann að hætta. Það mun jafna út hugsanir hans og draga úr áhrifum þeirra á þig. Þá mun hann ekki lengur hafa vald til að hafa neikvæð áhrif á þig.
Hvert og eitt ykkar hefur möguleika á að gera stórkostlega hluti, lifa í eigin mikilfengleika og leyfa hvorki áhyggjum né ótta að eyðileggja draumana.
Maitreya
Beint á síðu http://maitreya.co
© Jónína Þorbjörg Gunnarsdóttir netpóstur