Ást er það eina sem er raunverulegt

Þú ert ást, þú ert tær kjarni, hrein vitund, hreinn guðdómur sem tjáir sig í gegnum líkama. ~ "Anita Moorjani"

Hver einasta sál er ást. Lesa meira......

Þú ert hrein og tær viska, hrein vitund, hreinn kjarni ástar, ekkert og engin er eins og þú.

Allt í alheiminum samanstendur af orkum sem myndast í mismunandi tíðni. Allt sem er upplifað og skapað í þessu lífi er tilkomið vegna lögmáls aðdráttaraflsins.

Vitundir
Undanfarið hef ég orðið meðvituð um það hversu margar vitundir ég hef sjálf skapað í orkunni minni og mig langar að deila því hvernig ég uppgötvaði það. Sú vitund sem hefur haft mest áhrif í mínu lífi er það sem ég kalla fórnarlambsvitund, eða varnarvitund. Það er sú vitund sem t.d. leitar vorkunnar og forðast ábyrð. Lesa meira....

Djúpslökun

Í gegnum djúpslökun leiði ég fólk inn í óravíddir orkunnar. Orkan er síbreytileg og því er reynsla hvers og eins einstök. Mismunandi er hvað fólk vill vinna með og hvað kallar á athygli hverju sinni.

Eitt af því sem hægt er að skoða eru orkuáföll sem kunna að eiga rætur í fyrri lífum. Einnig er hægt að fara inn á við og hitta innra barnið eða vinna með áföll úr núverandi lífi. Þar fær barnið tækifæri til að tjá sársauka sinn og vonbrigði og finna að tilfinningar þess eru viðurkenndar. Í ferlinu mætir hinn fullorðni sjálfi barnsins með skilningi, umhyggju og kærleika, þannig að það upplifi samþykki, virðingu og þá ást sem það hefur þráð.

Einnig er hægt að leita í orkunni að tilfinningum og mynstrum á borð við ótta, sorg, reiði, skömm, sektarkennd, höfnun, vanmátt, einmanaleika, sjálfsefa, meðvirkni, fíknimynstur og ýmis önnur tilfinningaleg eða orkuleg spor sem hafa áhrif á líðan og lífskraft. Með því að fylgja orkunni má oft rekja uppruna þessara mynstra og losa um það sem þjóna ekki lengur.

Elementin gegna mikilvægu hlutverki í orkuvinnslunni og styðja við hreinsun, jafnvægi og umbreytingu. Það er margt sem hægt er að skoða, upplifa og skynja á orkulegan hátt í gegnum djúpslökun, þar sem hver ferð inn á við er einstök og leiðir einstaklinginn nær sjálfum sér.

Í þessu ástandi geta opnast ný sjónarhorn, innblástur og skilningur sem hjálpar einstaklingnum að treysta eigin innsæi og finna fyrir sínum æðri mætti. Djúpslökunin verður þannig ekki aðeins leið til að vinna úr erfiðri reynslu heldur einnig leið til að uppgötva þá visku, fegurð og kraft sem býr innra með hverjum og einum.

Lesa meira...........

Efst á síðu

Ýmislegt

Síðast uppfært 29. maí 2026

© Jónína Þorbjörg Gunnarsdóttir joninath@viskaoggledi.is