 |
|
 |
|
 |
|
 |
|
 |
|
 |
|
 |
|
 |
|
 |
|
 |
|
Blómadropar
10 júní 2009
Blómadropar eru unnir úr jurtaríkinu og eru þess vegna algjörlega náttúrlegir. Blóm hafa eins og áður sagði mismunandi áhrif og mismunandi virkni. Það er hægt að nota blómadropa á mismunandi hátt. Það er hægt að taka þá inn undir tunguna, eða í munninn, eða taka þá inn í drykkjum í flösku eða glasi. Það er hægt að bera þá á líkamann eða láta dropana falla ofan á hann. Það má setja þá á opið sár því þeir eru geymdir á koníaki og koníakið er sýkladrepandi. Það má nota dropana í baðvatn eða búa til bakstra úr þeim. Ef einhver meiðir sig þá er hægt að setja nokkra dropa í volgt vatn og bleyta grisju í vatninu og vefja henni um bólguna eða sárið. Ef maður hefur sársauka einhvers staðar t.d. í hjartastöðinni eða sólarplexus þá má nota sömu aðferð með bökstrum eða láta dropa falla á beint á orkustöðvarnar. Við höfuðverk læt ég nokkra dropa falla ofan á höfuðið annað hvort Lífsbjörgina íslensku dropana eða Bach Flower þá nota ég Five flower eða "Rescue Remedy." Það má setja dropana í drykki fyrir mjög ung börn. Droparnir eru unnir úr hreinum jurtum og hafa ekki áhrif á lyfjatöku eða aðrar meðferðir.
Það sem þarf að varast í sambandi við blómadropa inntöku er að reka dropateljarann ekki í þegar maður er að fá sér dropa, því þegar það gerist og maður setur hann ofan í glasið á ný þá er hefur virknin í glasinu minnkað til mikilla muna. Ef maður rekur dropateljarann í þá þarf að fara með hann undir kalt rennandi vatn og þvo hann.
Annað sem þarf að varast er að skilja eftir blómadropavökva í dropateljaranum þegar maður er búin að fá sér dropa því ef þeir verða eftir og maður skrúfar lokin á og glasið fer á hliðina þá fer það sem er í dropateljaranum upp í gúmmíið og síðan byrjum við á að fá okkur dropa og setjum þessa sem hafa komist í snertingu við gúmmíið út í það sem er í glasinu, en þá má segja að virknin í öllu glasinu sé ónýt. Gúmmíið eyðileggur nefnilega virknina. Þannig að passa alltaf upp á að tæma dropateljarann áður en þið skrúfið lokið á aftur. Ég lenti í þessu mörgum sinnum til að byrja með og skildi aldrei í því af hverju virknin í glasinu varð allt í einu orðin minni. Ég hafði líka tekið eftir þessu með aðra olíur sem voru geymdar í glösum með gúmmíhettum. Þegar ég heyrði að lokum um gúmmíið þá vissi ég hver var sökudólgurinn.
Það sem droparnir gera t.d. er:
Birki
"Gefur: Eykur skilning á tilgangi lífsins. Kemur manni í núið.
Losar: Þröngsýni, gömul hugform."
Þegar ég hugleiddi í fyrsta skipti á Birki þá var eins og orkuhjúpurinn stækkaði örlítið og þá sérstaklega í kringum hendurnar.
Blákolla
"Gefur: Græðir gömul tilfinninga sár. Dropar sem gott er að nota á föstu.
Losar: Uppgjafatilfinningu, vonleysi."
Þegar ég hugleiddi í fyrsta skipti á blákollu þá kom upp að mér fannst hann losa upp gamlan hjúp og orkan varð miklu léttari. Hann losaði líka mikið út úr hálsstöðinni hjá mér. (Tjáningarstöðinni)
Blóðberg
"Gefur: Leik og gleði. Kærleikurinn flæðir inn.
Losar: Óttann við að sleppa fordómum og kreddum."
Í hugleiðslu sá ég að blóðbergið eins og sprengdi upp gamalt kýli sem var í hjartastöðinni. Það vinnur mjög djúpt á hjartastöðinni og er gott fyrir þá sem eru eitthvað veikir eða slappir í hjarta að taka það inn. Gott við gömlum hjartasárum.
Dýragras
"Gefur: Skilning. Veit hvað maður vill.
Losar: Óöryggi og efa um eigin dómgreind, óákveðni."
Í hugleiðslu fannst mér að þessi jurt ynni vel á heilanum og höfuðstarfsemina. Hjá mér slakaði hún að huganum.
Reyniviður
"Gefur: Getu til að fyrirgefa sér og öðrum, læra af fortíðinni.
Losar: Djúpan bældan sársauka, dómhörku og höfnun. Svartsýni og vonleysi."
Þegar ég hugleiddi á hann þá fannst mér hann opna hjartastöðina með því að losa um staðnaða orku.
Smjörlauf
"Gefur: Jafnvægi á kynorkuna og þörfina fyrir kynlíf.
Losar: Erfiðar tilfinningar tengdar kynlífi og kynveruinni í okkur. Kynkulda."
Blómadropar við öll tækifæri
Ég nota blómadropa við öll við tækifæri
Núna eru mörg blóm í fullum blóma og því gott að týna í vatnsflöskuna þegar við erum á göngu og drekka þannig blómadropa/blómavatn algjörlega nýtt og ferskt. Það þarf ekki að týna heila þúfu heldur er nóg að týna eitt eða tvö blóm og setja í vatnið. Það væri ekki verra að setjast niður og hugleiða á jurtina sem þið settuð í flöskuna til þess að athuga hvað þið finnið út um jurtina og ykkur. Munið síðan að spyrja blómið hvort þið megið slíta af því áður en þið gerið það.
Það sem er bláletrað er tekið af síðunni hennar Kristbjargar www.kristbjorg.is
© Jónína Þorbjörg Gunnarsdóttir netpóstur