Heim
Viska
Heilun
Meistarar
Englar
Gleði
Hugleiðslur
Draumar
Um mig

 

 

 

Heilun - Orkuheilun


Í heilun er það alltaf sá sem heilunina þiggur sem velur hvað losnar um í orkunni hverju sinni. Stundum er búið að setja það fram fyrirfram með ákveðnum hætti hvað á að losa um og þá er athyglinni beint að því í heiluninni, meðvitað eða ómeðvitað.

Í orkulíkömum og í orkustöðvum liggja marskonar áföll og stíflur sem hafa myndast í gegnum tíðina og þannig verður ákveðin stöðnun eða hreyfingarleysi á orku, sem getur síðar valdið líkamlegri eða tilfinningalegri vanlíðan. Við áföll er eins og orkan frystist/festist en orkuheilunin miðar að því að þessar festur eða stíflur séu losaðar og eðlilegt flæði verði á ný.

Það eru flestir sem finna einhvers konar slökun í heilun, margir finna mikinn mun á sér þannig að líkamlegur sársauki og tilfinningar sem eru á yfirborðinu ná að losna upp og breyta þannig líðan til hins betra og léttir verður augljós.

Í heilun getur það gerst að líkami þess sem þiggur heilunina byrji að leiðrétta sig sjálfur, hann hefur þörf fyrir hreyfingar, en stundum gerast þessar hreyfingar einungis í orkunni. Það er þekkt að líkaminn hafi sitt eigið heilunar - og leiðréttingarkerfi sem virkjast þegar orkustíflur losna. Oftast gerist þetta í höfuðbeina og spjaldhryggjameðferð en það gerist líka í orkuheilun.

Fólk sem hefur lent í höggum s.s. aftaná keyrslu þarf oft á því að halda að því sé hreinlega kippt aftur inn í líkamann vegna þess að við höggið er eins og orkan hafi kastast út úr líkamanum og komist ekki alveg í sitt gamla far aftur. Þetta gerist líka við stór áföll og sársauka upplifun, þar sem nokkurs konar orkuflótti hefur átt sér stað úr líkamanum. Þá verður manneskjan eins og utan við sig í orðsins fyllstu merkingu. Það getur orðið mikil breyting þegar einhver nær að miðja orkuna aftur inn í líkamann.

Ég hef í gegnum tíðina þróað mínar eigin aðferðir í heilun. Áhugi minn á heilun kviknaði á námskeiði hjá miðli sem kenndi þróun næmni, skyggnilýsingar og heilun. Það varð til þess að ég ákvað að læra heilun. Fyrsta aðferðin sem ég lærði við heilun var reiki, ég tók reiki I, II og III en áhugi minn var það mikill að ég hélt áfram að læra meira um heilun. Fyrri líf hafa alltaf verið mér hugleikinn þannig að ég tók heilunarnámskeið þar sem kafað er í undivitundina og fyrri lífa orka er heiluð, einnig er notuð sama aðferð við innra barns heilun, heilun karl - og kvenorkunnnar, særða trúaða barnið og fleira sem notast við djúpslökun, eða dáleiðslu tækni. Ég lærði orkuheilun hjá Karina Becker sem er með kennsluréttindi úr Barbara Brennan skólanum. Einnig hef ég setið bæna - hugleiðslu - og þróunarhringi og býð upp á fjarheilun. Þá tók ég á heilunar, miðlunar og meistara námskeið hjá Margaret McElory transmiðli (miðlaði meistaranum Maitreya).

Tímapantanir í s. 615 5710 eða í netpósti joninath@viskaoggledi.is

 

Ýmislegt

Heim

 

 

 

 

© Jónína Þorbjörg Gunnarsdóttir joninath@viskaoggledi.is