Jean Luo bloggar um lífið og tilveruna

Andlegur þroski er ekki áfangastaður, þetta er ferli sem gengur í gegnum allt lífið. Þroskinn liggur í hverju einasta augnabliki þegar við byrjum að fagna öllu því sem lífið hefur upp á að bjóða.

Launin eins og ég sé þau eru að verða eitt með alheiminum, að öðlast frið sem er ofar öllum skilningi og að þurfa ekki að fæðast aftur á jörðinni.

Líkt og forseti Suður-Afríku, Nelson Mandela sagði: "Ég er meistari örlaga minna, ég er skipstjóri sálar minnar."

Ef við gætum öll gert eins og hann hefur gert, á okkar hátt, þá gætum við orðið meistarar okkar eigin lífs og örlaga. Með því að breyta okkur sjálfum, þá munum við breyta heiminum og færa inn raunverulega von fyrir mannkynið. Meira..

Hugleiðsla

Hugleiðsla er sú leið sem við getum farið til þess að finna að það er eitthvað æðra sem við erum ekki meðvituð um í hinum efnislega heimi. Með því að kyrra hugann vera í augnablikinu þá fáum við svörin við spurningunum okkar, streitan líður hjá, friður fyllir hjarta og okkur líður betur á allan hátt.

Það er hægt að hugleiða á svo marga vegu. Flestir hugsa sér að hugleiðsla sé þessi hefðbundna lótusstelling, þar sem setið er á gólfinu á mottu, en það er líka hægt að hugleiða með því að sitja við eldhúsborðið og drekka teið eða kaffið, horfa á hafið, skoða söfn, einbeita sér að einum hlut, eða vera á göngu úti í náttúrunni.

Vefsíða Maitreya

Vefsíðan maitreya-edu.org var stofnuð árið 1996.  Hún var gerð til þess að hýsa kennsluefni andlega meistarans Maitreya. Það er transmiðillinn Margaret McElroy sem miðlar þessu efni.

Það hefur gefið mér mikið að lesa bréf Maitreya og því tók ég þá ákvörðun síðla árs 2006 að leggja grunninn að síðunni minni viskuoggledi.is Þessi vefsíða er stofnuð til þess að fleiri geti haft aðgang að kennslubréfum Maitreya.

Maitreya er uppljómuð andleg vera eða andlegur meistari.

Markmið uppljómuðu meistaranna er að aðstoða við hækkun tíðnisviðs jarðarinnar og þeirra sem þar dvelja.

Heilunarmiðstöð Maitreya

Í Redmond í Washington fylki í Bandaríkjunum hefur verið stofnsett kennslu - og heilunarmiðstöð að ráði andlegra meistara.

Heilunarmiðstöðin í Seattle hefur nú opnað sérstaka netsíðu þar sem
hægt að er skoða hvað er í boði hverju sinni. Vefsíðan er http://www.maitreyaseattle.com

Margaret McElroy er með sína eigin vefsíðu þar sem hægt er
að nálgast nýjustu útsendingar af miðluðu efni Maitreya.

Það er hægt að hlusta á útsendingarnar í beinni eða þegar manni hentar það best. Það er líka hægt að hlusta á Margareti og Alan á netvarpinu Contact Talk Radio